НЛБ Банка со финансиска поддршка за изградбата на автопатската делница Тетово–Гостивар

Поголемиот дел од финансирањето на Банката се реализира преку синдициран кредит, дополнет со помал, посебен билатерален кредит. Се очекува новата автопатска делница да го олесни патувањето и транспортот меѓу Тетово и Гостивар, создавајќи подобри услови за движење на граѓаните и деловните субјекти по овој важен национален и регионален транспортен правец.

Преку учеството во синдицираното финансирање и обезбедувањето на посебниот билатерален кредит, НЛБ Банка Скопје ја потврдува својата посветеност на поддршката на стратешки инфраструктурни проекти што создаваат долгорочна економска и општествена вредност и придонесуваат за одржливиот развој на Северна Македонија.