.svg)
НЛБ поседува богато културно наследство кое ја одразува децениската посветеност кон уметноста и историјата. Со години наназад, НЛБ ја поддржува продукцијата, развојот и промоцијата на ликовната уметност во Словенија преку континуирана аквизиција на уметнички дела, создавајќи една од најзначајните корпоративни колекции на словенечката уметност од 20-ти и 21-ви век. Покрај тоа, НЛБ има зачувано и артефакти поврзани со пари, банкарство и банкарски практики, формирајќи единствена и уникатна музејска колекција на банкарството во Словенија.
Со цел да се обезбеди правилно управување со овие уметнички богатства, НЛБ го основа Институтот за управување со културното наследство во април 2020 година. Познат како NLB MUZA, институтот е во целосна сопственост на НЛБ д.д. и е дел од групацијата НЛБ.
Продолжувајќи да ја гради својата мисија за правилно управување со уметнички дела, NLB MUZA отвора меѓународен повик за аплицирање за членство во својот Уметнички Совет. Советот има витална улога во обликувањето на стратешката визија, кураторските концепти и програмската содржина во областа на современата уметност.
Повикот е отворен за куратори со богато меѓународно искуство во современата уметност, како и за директори на галерии и музеи на современа уметност кои покажале професионална извонредност и лидерски способности. Кандидатите треба да ја достават следната документација на англиски јазик како потврда за своите професионални квалификации: биографија (CV) и список на реализирани изложби, публикации и проекти, заедно со мотивационо писмо во кое ќе ја наведат нивната визија за развојот на современата уметност, и најмалку две препораки.
Улогата на членовите на Уметничкиот Совет е да советуваат за стекнување и аквизиција на современи уметнички дела, зачувување и развој на уметничката колекција, како и креирање на програмски насоки и упатства. Дополнително, тие ќе придонесуваат за меѓународно вмрежување и развој на проекти, истовремено следејќи ги трендовите во современата уметност. Мандатот на членовите е во времетраење од четири години.
Апликациите се испраќаат на matko.mioc@nlb-muza.si со наслов „ Application – Artistic Council” најдоцна до 25 јануари 2026 година.
Cоопштенија за јавноста
Замислете се себеси како навивате од трибините опкружени со неверојатната енергија на илјадници страсни навивачи, адреналин што се чувствува во воздухот и уникатно искуство што се памети цел живот. Ако некогаш сте сонувале да бидете дел од најпрестиж...
НЛБ Банка e добитник на две престижни признанија на финансискиот магазин EMEA Finance Europe од Лондон - осми пат „Најдобра банка“ во Македонија и, за прв пат, „Најдобра дигитална банка“ во регионот на Централна и Источна Европа. Признанијата се потв...
