Известување за измени во Рамковен договор, Општи услови и Тарифа на надоместоци за правни лица

Ве известуваме дека Банката изврши измена и дополнување на Општите услови за отворање и одржување на платежна сметка и вршење други платежни услуги за правни лица, како и на Рамковниот договор за отворање и одржување на платежна сметка и други платежни услуги за правни лица, кои се однесуваат на усогласување со одредбите од Законот за платежни услуги и платни системи, а ќе се применуваат од 03.10.2026 година. Дополнително, направена е измена на Одлуката за Тарифата на надоместоци на услугите што ги врши НЛБ Банка во делот за правни лица, кои ќе се применуваат веднаш, бидејќи измените се поповолни за корисниците на платежните услуги.

Измените во Општите услови и Рамковниот договор за правни лица се направени во насока на поголема транспарентност и јасност на применливите правила согласно Законот за платежни услуги и платни системи и се однесуваат на следните ставки:

• Прецизирани се правата и обврските на клиентите и Банката во делот на давање и повлекување согласност за иницирање на платен налог, извршување на платежни налози, отповикување на платен налог, користење платежни инструменти, оспорување трансакции и заштита на корисниците.
• Прецизирани се одредбите за измена на лимитите за трошење, како и можноста за самостојна блокада на дебитна картичка.
• Прецизирани се правилата за комуникација и информирање на корисниците, вклучувајќи користење на траен медиум, електронска комуникација, доставување изводи и известувања поврзани со безбедноста на платежните услуги.
• Детално се прецизираат начините на комуникација со клиентите во случај кога постои сомнеж за неавторизирано користење, злоупотреба или сигурносна опасност.
• Извршени се терминолошки, редакциски и организациски усогласувања, како и прилагодување на документацијата согласно видот на услугите за правни лица, вклучително и подетален опис на условите под кои Банката ги дава платежните услуги и услугите поврзани со платежна сметка (како траен налог и дозволено пречекорување).
• Допрецизирани се начините за постапување, како и правата и обврските во случај на неизвршување или неправилно извршување на платежна трансакција, во случај на неизвршена, неправилно извршена или задоцнета платежна трансакција како и обврската на Банката за поврат на корисникот на платежни услуги на износот на сите пресметани и/или наплатени надоместоци, вклучително и одговорноста на Корисникот како плаќач и како примач за неавторизирани платежни трансакции.
• Прецизирани се одредбите за начинот и условите на измени, дополнување и раскинување на Рамковниот договор и документите кои го сочинуваат истиот (вклучително Општите услови и Одлуката за Тарифата на надоместоци на услугите што ги врши НЛБ Банка во делот за правни лица)
• Оптимизирана е содржината на Барањето за отворање/промена на платежна сметка и овластени лица за располагање со средствата на платежната/ните сметка/и од Корисникот, Барањето за добивање и користење на бизнис дебитна картичка од Корисникот - резидент и Пријавата за користење на Интернет банкарство/ Мобилна апликација за правни лица (денарска платежна сметка), а прецизирана е и можноста за избор на начин на достава за промените во Изводот за реализирани поединчени платежни трансакции

Направените измени во Одлуката за Тарифата на надоместоци на услугите што ги врши НЛБ Банка во делот за правни лица се однесуваат на:

Согласно Законот за платежни услуги и платни системи и Рамковниот договор, ќе се смета дека како корисник на платежни услуги, ги прифаќате промените во условите на Рамковниот договор и неговите прилози, доколку пред датумот на примена на измената не ја известите Банката дека ги одбивате промените во условите на Рамковниот договор и неговите прилози. Во тој случај, имате право да го раскинете Рамковниот договор, на било кој датум пред датумот на примена на измените, без да платите трошок или надоместок за раскинувањето.

Со почит,

НЛБ Банка АД Скопје