.svg)
Од 7 октомври, НЛБ Банка официјално започнува со плаќања преку СЕПА - Единствениот европски платен простор, овозможувајќи им на своите клиенти, физички и правни лица, побрзи меѓународни трансфери во евра со сите земји членки на СЕПА, со значајно пониски надоместоци.
Откако кон крајот на мај годинава, НЛБ Банка ја достави апликацијата до Европскиот платен совет за членство во СЕПА (SEPA - Single Euro Payments Area), со што стана и првата банка во Република С. Македонија која го започна процесот на интеграција во системот, веќе од утре, клиентите на НЛБ Банка ќе можат да вршат и примаат плаќања во евра во над 40 земји-членки на СЕПА, со истата леснотија и ефикасност како и домашните трансфери.
Значајна придобивка за клиентите е новиот тарифник за СЕПА и повеќекратно пониските надоместоци, со посебен фокус на електронските плаќања. Така, за кредитни трансфери преку дигиталните канали за физички лица, НЛБ Банка ќе понуди цени почнувајќи од 1 евро за најниските рангови, односно 5 евра за најголемиот број на кредитни трансфери, додека за приливите продолжува со 0,16 евра за најниските рангови и 3 евра за најголемиот број на приливни транасакции. Примателите на странски плати и пензии во НЛБ Банка продолжуваат да ги реализираат приливите по овие основи без провизија.
И за компаниите, Банката ќе понуди повеќекратно намалени тарифни надоместоци за електронските плаќања.
Повластените надоместоци за плаќањата на физичките лица и компаниите помеѓу банките во рамките на НЛБ Групацијата остануваат непроменети.
Ценовното стимулирање на електронските налози ги поттикнува клиентите да ги извршуваат плаќањата преку дигиталните канали наместо на шалтер, што претставува значаен импулс во севкупната дигитална трансформација, унапредување на клиентското искуство и зајакнување на дигиталната зрелост во банкарскиот систем. Сепак, НЛБ Банка воведе пониски надоместоци и за шалтерските налози, почитувајќи ги префенците и потребите на клиентите.
Cоопштенија за јавноста
Замислете се себеси како навивате од трибините опкружени со неверојатната енергија на илјадници страсни навивачи, адреналин што се чувствува во воздухот и уникатно искуство што се памети цел живот. Ако некогаш сте сонувале да бидете дел од најпрестиж...
НЛБ Банка e добитник на две престижни признанија на финансискиот магазин EMEA Finance Europe од Лондон - осми пат „Најдобра банка“ во Македонија и, за прв пат, „Најдобра дигитална банка“ во регионот на Централна и Источна Европа. Признанијата се потв...
