.svg)
Следејќи ја својата визија за дигитална трансформација во банкарското работење, НЛБ Банка како лидер во иновации во банкарскиот сектор, воведува ново решение за дигитално потпишување на документите за кредитните продукти за физички лица во експозитурите.
Имлементацијата на новиот начин на потпишување на банкарската документација значително го скратува времето на целиот кредитен процес и го унапредува клиентското искуство. Истовремено, ја намалува потрошувачката на хартија за повеќе од 25%, поддржувајќи ја посветеноста на Банката за одговорно банкарство и одржливо работење.
Станува збор за брз, безбеден и исклучително едноставен процес со кој физичкото потпишување и архивирање на хартиената кредитна документација „заминува во историјата“. Веќе во сите експозитури на НЛБ Банка во земјата, клиентите ќе потпишуваат договори за потрошувачки кредити, кредитни картички и дозволено пречекорување на платежна сметка преку безбедни електронски уреди за потпишување (e-Pads), а целата документација ќе биде проследена до клиентот преку електронска пошта.
„Динамичниот начин на живот и напредокот на технологијата значително ги менуваат потребите на луѓето и корисничките навики. Клиентите очекуваат брзи, ефикасни и сигурни банкарски услуги, а наша задача е тоа и да им го овозможиме. Воведувањето на дигиталниот потпис на кредитната документација за физички лица во експозитурите на Банката е уште еден чекор повеќе на нашиот пат кон дигитална трансформација на банкарското работење, а интеграцијата на ова решение е само една од многуте иницијативи кои имаат за цел да го направат искуството на нашите клиенти модерно, ефикасно и еколошки одговорно.“ – истакнуваат од НЛБ Банка.
Дигиталното потпишување на кредитна документација има бројни приодбивки. Значително ја подобрува ефикасноста и ефективноста на банкарските службеници кои работат на првата линија со клиентите, го скратува времето на чекање во експозитурите и потпишување на обемната хартиена документација. Воедно, драстично се намалува потребата од печатење на документите, што е исклучително важно за намалување на потрошувачката на хартија и електрична енергија, заштита на природните ресурси и минимизирање на отпечатокот врз животната средина.
Cоопштенија за јавноста
НЛБ Банка е добитник на Награда за благосостојба на вработените, доделена во рамките на проектот „Предводници на одржливиот развој“, инициран од Клубот на одговорни бизниси при Здружението Конект, во партнерство со Министерството за економија и труд ...
Акционерите на НЛБ Банка АД Скопје на Годишното Собрание на акционери кое се одржа на ден 28.05.2026 година (четврток) ја усвоија Одлуката за определување износ на дивиденда и утврдување дивиденден календар на НЛБ Банка АД Скопје....
