Преминете кон содржината

Како да бидете сигурни дека ова е веб-страницата на Вашата банка?  Прочитај повеќе

Успешно деветмесечје за НЛБ Банка: Главен фокус на Банката, силна поддршка на населението и стопанст

Скопје, 26.10.2023 – НЛБ Банка успешно ги заокружи деветте месеци од годинава, покажува анализата на финансиските резултати на Банката за периодот од 01.01.2023 до 30.09.2023 година.

Во споменатиот период, НЛБ Банка обезбеди силна кредитна поддршка на населението и бизнисот, зголемувајќи го притоа пласманот на кредитите кон небанкарскиот сектор и обезбедувајќи раст од 6.2% во овој сегмент споредено со истиот период минатата година, и давајќи значаен придонес во макроекономскиот и финансискиот амбиент на државата. 

 

Истовремено, Банката бележи и раст на довербата на депонентите што резултираше со зголемување на вкупните депозити за 2.9% споредено со истиот период лани.

 

Нето добивката на НЛБ Банка, заклучно со крајот на септември изнесува 2.435.542 илјади МКД што се должи на континуираните продажни активности на кредитните продукти со посебен фокус на домаќинствата, микро, малите и средни претпријатија и зголемениот број на корисници на платните сервиси. Воедно, успешното работење на Банката е резултат и на внимателно управување со ризикот, оперативна ефикасност, како и постојана посветеност за подобрување на корисничко искуство и искористување на можностите за понатамошен раст.

 

Во наведениот период, НЛБ Банка се здоби со низа признанија и награди, меѓу кои признанијата од картичниот партнер Visa за исклучителни деловни перформанси и извонредни Visa спонзорски активации, благодарница од организацијата на Црвениот крст за покажаната хуманост и солидарност за настраданото население во земјотресите во Сирија и Турција, признание за најпосакуван работодавач меѓу финансиските институции во земјава од Вработување.ком, а  реномираниот финансиски магазин EMEA Finance по 7-ми пат ја избра НЛБ Банка Скопје за „Најдобра банка во Македонија за 2022 година“, што е уште една потврда за успешното работење на Банката. Воедно, НЛБ Банка е избрана и за компанија со најдобри практики во стратешката корпоративна филантропија во рамките на проектот на УСАИД - Партнерство за давање (P4G), Американската стопанска комора во Македонија и организацијата „Конект“.

 

НЛБ Банка продолжува да биде поддршка на населението и стопанството во земјата. Во фокусот на работењето на Банката остануваат и дигитализацијата, унапредување на дигиталните канали во насока на зголемување на дигиталната пенетрација на клиентите, унапредување на клиентското искуство, проширување на портфолиото на производи и услуги со посебен акцент на „зелените“ продукти, како и општествено одговорни проекти за грижа за своите вработени и заедницата во целост .


Со почит,

 

НЛБ Банка АД Скопје

Последни новости

Cоопштенија за јавноста

10.11.2026

Вашиот следен чекор кон сопствен дом со НЛБ Банка - Станбен кредит со каматна стапка од 2,95%

Сопствениот дом е повеќе од адреса. Тој е омилениот простор за утринско кафе, просторот за заеднички моменти и местото во кое новите планови добиваат своја соба. За сите што се подготвуваат за овој важен животен чекор, НЛБ Банка нуди станбени кредити...

Прочитај повеќе
09.11.2026

Известување за спроведување на истражување на задоволството на клиентите - физички и правни лица

Почитувани клиенти, Ве информираме дека во периодот од 9.11.2026, НЛБ Банка спроведува анкети во рамки на “Истражување на задоволството на клиентите и истражување за брендот....

Прочитај повеќе
06.11.2026

Во пресрет на имлементација на регулаторните промени во националниот платен промет, системски прилагодувања и времена недостапност на услуги и локации

Во текот на претстојниот викенд НЛБ Банка ќе спроведува планирани технички прилагодувања на своите системи за примена на регулаторните промени во националниот платен промет, кои стапуваат на важност од понеделник, 9 ноември 2026 година....

Прочитај повеќе