.svg)
Оваа година, по девети пат, НЛБ Банка го организира НЛБ Месецот на штедење на тема: „Ги истражуваме убавините на нашата земја со Тиби и Штуки!”.
НЛБ Месецот на штедење започнува на 25 септември и ќе трае до 25 октомври 2020 година, a во рамките на истиот децата на возраст од 5 до 15 години ќе имаат можност да цртаат на тема ,,Штедење и истражување на убавините на нашата земја“.
„Секоја година се трудиме да креираме тема која ќе биде интересна за децата и младите, со цел да ни се приклучат на ликовниот конкурс во што поголем број. Но исто така покрај забавата сакаме темата да биде едукативна и сите заедно да научиме по нешто ново. Ако минатата година ги истражувавме и зборувавме за планетите и ѕвездите, оваа година, поттикнати од „новата реалност“ и свесни дека летниот распуст на сите нас ни помина во рамките на нашата земја , без размислување ја предложивме оваа симпатична тема каде секое дете ќе има можност да го нацрта местото кое го посетило летово и му оставило најдобар впечаток. Ова е одлична можност не само да ги покажеме нашите ликовни вештини туку и да ги споделиме и запознаеме убавините на нашата земја и да ги ѕирнеме дури и најскриените природни убавини“, изјавија од Банката.
Месецот на штедење и оваа година ќе има хуманитарен карактер, при што НЛБ Банка за секој пристигнат цртеж ќе донира парични средства кои ќе бидат наменети за ЈЗУ Универзитетска клиника за детски болести - Скопје.
Со оглед на ситуацијата предизвикана од Covid-19 пандемијата, а со цел поголема заштита, оваа година, дружењето со веќе добро познатите ликови на НЛБ Банка, Тиби и Штуки, ќе се одвива онлајн, а цртежите ќе можат да се прикачат единствено по електронски пат преку веб страницата креирана за оваа намена www.stedenje.nlb.mk
На крајот на октомври најдобрите цртежи избрани со гласање преку веб страницата stedenje.nlb.mk, како и од страна на посебна комисија составена од реномирани македонски уметници, ќе бидат наградени со парични награди.
Најнови соопштенија за јавноста
На престижната церемонија на финансискиот магазин „The Banker“ во Лондон, НЛБ Банка Скопје ја понесе титулата „Банка на годината“ за 2025 година. Ова признание ја потврдува континуираната посветеност на Банката кон извонредност, иновации и услуга на ...
НЛБ Банка го одбележа својот 40-годишен јубилеј со спектакуларен гала концерт. Настанот, одржан во присуство на претставници на институциите, партнери, соработници, клиенти, колеги и истакнати поединци, заслужни за незапирливиот раст на Банката беше ...
Банкарскиот сектор доживува длабока трансформација под влијание на дигитализацијата, автоматизацијата и воведувањето на вештачката интелигенција (AI). Од брзи плаќања и дигитални паричници, до самостојни AI агенти кои ја оптимизираат куповната моќ на...
