Преминете кон содржината

Како да бидете сигурни дека ова е веб-страницата на Вашата банка?  Прочитај повеќе

Изложба на Анкица Влашиќ во НЛБ Тутунска банка

На 4-ти Април 2016 година, во 20 часот во Галерискиот простор на НЛБ Тутунска банка, на ул. „Мајка Тереза“ бр.1, Скопје, ќе биде отворена изложбата на академскиот сликар Анкица Влашиќ.

Анкица Влашиќ е родена 04.02.1981 година, во Скопје, Македонија. 2005 година дипломира на Универзитетот „Св.Кирил и Методиј“ - Факултет за ликовни уметности, отсек - сликарство, група графички дизајн под менторство на проф. Танас Луловски и Благоја Маневски. Како активен член на Друштвото на ликовни уметници на Македонија од 2008 година, позади себе има неколку самостојни ликовни изложби: 2005 година, Скопје, Македонија - „Стилизација на природата“; 2010 година - Загреб, Хрватска; 2010 година, Кавадарци, Македонија - „Печат на времето“; 2015 година, Виена, галерија „Mericon art room“ - „СЕКВЕНЦА“. Воедно е активен учесник во групни проекти во Скопје, Белград, Загреб, како и учество на групна изложба во New York 2007 година. Добитник е на наградата „Константин Мазев- Коце“ за ликовно творештво мал формат.

 

Проектот насловен како „СЕКВЕНЦА“за прв пат ќе и биде претставен на македонската публика, и како што објаснува самата: - „Како индивидуа, чиj избор е да го користи ликовниот израз за да го престави запазеното од опкружувањето, со доза на личен идентитет, ја користам бојата како инструмент за поврзување на релацијата помеѓу себе си, како автор на ликовното дело и мислите кои ги доставувам на јавноста преку платно. Во своите дела зборувам за сė она за што не сакам да зборувам со зборови. Во моите дела можат да се сретнат елементи кои не опкружуваат во секојдневието, како и ликови, со смирен израз за чија емотивана состојба зборуваат останатите елементи во делото. Со поврзувањето на елементите преку црната разиграна линија, сакам да дадам пулс на делото кој јас го чувствувам. Пулсот е тој кој ни покажува дали ја зборуваме вистината или се лажеме. Мислам дека сите ние имаме дискусија со самите себе и токму таа дискусија, проследена со вибрациите од околината кои ги доживувам  заедно со сознанијата за ликовното изразување, се главната причина за начинот на моето изразување. Не сум сигурна кон кого е упатена пораката за која што тие зборуваат, но знам дека има причина за нивното постоење која имам потреба да ја споделам.“  - Анкица Влашиќ 

 

NLB Banka АД Скопје

Последни новости

Cоопштенија за јавноста

10.11.2026

Вашиот следен чекор кон сопствен дом со НЛБ Банка - Станбен кредит со каматна стапка од 2,95%

Сопствениот дом е повеќе од адреса. Тој е омилениот простор за утринско кафе, просторот за заеднички моменти и местото во кое новите планови добиваат своја соба. За сите што се подготвуваат за овој важен животен чекор, НЛБ Банка нуди станбени кредити...

Прочитај повеќе
09.11.2026

Известување за спроведување на истражување на задоволството на клиентите - физички и правни лица

Почитувани клиенти, Ве информираме дека во периодот од 9.11.2026, НЛБ Банка спроведува анкети во рамки на “Истражување на задоволството на клиентите и истражување за брендот....

Прочитај повеќе
06.11.2026

Во пресрет на имлементација на регулаторните промени во националниот платен промет, системски прилагодувања и времена недостапност на услуги и локации

Во текот на претстојниот викенд НЛБ Банка ќе спроведува планирани технички прилагодувања на своите системи за примена на регулаторните промени во националниот платен промет, кои стапуваат на важност од понеделник, 9 ноември 2026 година....

Прочитај повеќе