.svg)
Почитувани,
По повод светскиот ден на штедењето – 31 октомври, во галерискиот простор на НЛБ Банка денеска свечено се отвори изложбата на детски цртежи на тема: „Штедење и хуманост“. Изложбата ја отворија Антонио Аргир - Претседател на Управниот одбор на Банката и реномираните македонски уметници: Сергеј Андреевски, Христијан Санев и Константин Качев. Како поддржувач на уметноста, НЛБ Банка по повод НЛБ Месецот на штедење организира изложба на детски цртежи на тема штедење и хуманост.
Цртежите се собираа преку организирани забавно – едукативни посети на повеќе градинки и училишта во Македонија и во експозитурите на Банката. Почетокот на активностите за собирање на цртежите беше означен со НЛБ Ден, на 26-ти септември, кој беше организиран во Дирекцијата на Банката. Децата во период од 1 месец, односно до 25 октомври, имаа можност да донесат цртежи кои беа објавувани на посебната веб страница www.stedenje.nlb.mk на која се гласаше за најдобар цртеж. Во текот на НЛБ Месецот на штедење беа собрани околу 1.700 цртежи.
Цртежите беа разгледувани од комисија составена од ренoмираните македонски уметници: Сергеј Андреевски, Христијан Санев и Константин Качев, кои ги издвоија најдобрите 20 цртежи. Покрај наградените цртежи од страна на стручната комисија, награди беа доделени и на 10 цртежи кои освоија најголем број на гласови преку веб страницата на Банката.
Најдобрите цртежи на отвoрањето на изложбата беа наградени со парична награда и пофалници, а притоа беа доделени и благодарници на сите училишта и градинки кои учествуваа во активностите за цртање.
Согласно годинешната тема, за штедењето и хуманоста, НЛБ Банка за прв пат во рамките на оваа изложба ќе организира посебен хуманитарен настан на кој ќе се врши продажба на детските цртежи. Дополнително, Банката ќе донира по 200 денари за секој примен цртеж, кои заедно со собраните средства од хуманитарната продажба ќе бидат донирани за хуманитарни цели. Изложбата ќе биде отворена до 25-ти ноември, секој работен ден од 08.00 до 20.00 часот.
Со почит,
НЛБ Банка АД Скопје
Cоопштенија за јавноста
Забележани се лажни СМС пораки испратени до клиенти кои водат до сомнителен линк, наводно на НЛБ Банка, во кои се бара да ја ажурирате вашата сметка односно да ги оставите вашите податоци на линкот за да активирате NLB Pay. На линкот се злоупотребен...
Секој „следен“ чекор во животот носи возбуда – прва голема одлука, прва плата, втор дејт - прва девојка, нова работа. И секој „следен“ чекор значи нешто повеќе – возбуда, чувство на раст, на слобода, на сопствен пат. За младата генерација, овие момен...
