НЛБ Спорт за млади

Ги поддржуваме младите спортисти и инвестираме во иднината на нашиот домашен терен.

Аплицирај

Повикот е отворен до 07.10.2026

За проектот

НЛБ Спорт за млади е долгорочна општествено одговорна иницијатива на НЛБ Банка Скопје, насочена кон поддршка на спортски клубови во земјата кои ја поттикнуваат физичката активност и здравиот стил на живот кај најмладите. Сакаме да ги охрабриме децата да поминуваат повеќе време на терените, во спортските сали и во природа – места каде што се гради карактерот, истрајноста и соработката.

Во текот на сезоната 2026/2027, ќе ги поддржиме младите таленти во следните спортски дисциплини: фудбал, ракомет, кошарка, одбојка и боречки вештини.

УСЛОВИ ЗА УЧЕСТВО

Да сте спортски клуб кој активно работи во некој од наведените спортови.

Да сте спортски клуб кој има младинска категорија - момчиња и девојчиња на возраст до 15 години.

Да сте спортски клуб кој работи со повеќе од 30 деца. Задолжително наведете го во апликацијата бројот на деца.

За да можете да пријавите за проектот НЛБ Спорт за млади неопходно е да ја пополните Апликацијата за спонзорства и донации на следниот линк.

При аплицирање задолжително изберете ја опцијата „НЛБ Спорт за млади“

Во делот Опис на проект важно е да ги наведете следните податоци во врска со вашиот клуб:

Број на членови во тековната сезона и број на тренери:
Број на членови во претходната сезона и број на тренери:
Претставување на поединечните селекции – екипи:
(Наведете ги категориите/селекциите, старосна група, број на деца по селекција, и други релевантни информации)
Број на неделни тренинзи
Вклученост во натпреварувачкиот систем
Дали имате обучени тренери за ранливи категории (лица со попреченост, лица со посебни потреби и сл.)?
Наведете кои медиуми ги користите за известувања, најави и друго поврзано со вашиот клуб и програми. Што најчесто комуницирате и колку често?

Рокот за прием на апликации е 07.10.2026 година.

Напомена: Правните лица кои аплицираат за спонзорство мора да ги исполнуваат основните услови за аплицирање. Банката, согласно Политиката за донации и спонзорства ќе изврши селекција, и врз основа на дискрециона проценка ќе ги контактира само избраните субјекти за понатамошни чекори.

Ние сме важен партнер на младинскиот спорт

Проектот НЛБ Спорт за млади е посветен на поддршка на спортски клубови низ целиот регион. Сметаме дека спортот има клучна улога во здравиот развој на младите и негува важни животни вредности како што се дисциплина, одговорност и тимска работа. Ако верувате дека вашиот клуб придонесува за позитивни промени во заедницата, аплицирајте за новата сезона на овој проект.

НЛБ Спорт за млади - влијание и резултати

Долгорочна општествено одговорна иницијатива на НЛБ Групацијата

Еднакви можности за сите

Во изминатите години, активно вклучивме над 4.000 деца од целата држава, на возраст од 6 до 12 години. Подеднакво беа вклучени девојчиња и момчиња од различни етнички заедници, што придонесе за вистинска инклузивност и зближување.

Менторство и грижа

Како посветен партнер на спортот и спортската заедница, НЛБ Групацијата, во рамките на проектот организира НЛБ Спортската Академија – едукативна платформа наменета за претставници на спортски клубови и спортски организации. Академијата создава простор за размена на знаење, искуства и добри практики, со цел поддршка на професионалниот развој на спортските организации и нивно одржливо функционирање.