Министерството за финансии на Р. Македонија издава државни хартии од вредност на примарни аукции, кои ги организира Народна банка на Р. Македонија, во функција на агент. Учеството на аукциите се врши преку овластени директни учесници - банки во Р. Македонија.

НЛБ Банка АД Скопје од 2004 година активно учествува на аукциите како овластен учесник, во свое име, а за сметка на индиректни учесници на организираните аукции.

• Во првиот и вториот квартал од 2018 година се планирани следните аукции на ДХВ дефинирани во календарот за емисија  на државни хартии од вредност  - трет и четврт квартал 2018 година.
• Каматната стапка на државните хартии од вредност се одредува на секоја аукција

• Издавачот на хартиите, Министерството за финансии на Р. Македонија, најдоцна 4 работни дена пред секоја аукција објавува Проспект на аукцијата каде се дадени сите детали и услови на аукцијата.
• На денот на аукцијата Банката прима барања од страна на заинтересираните клиенти кои сакаат да учествуваат на аукцијата на државни хартии од вредност
• Пополнетoто  Барање за купување на државни записи / обврзници, потпишано од овластено лице, треба да се достави најдоцна до 10.00 часот на факс 02/ 3212-927 или скенирано на e-mail адреса dhv@nlb.mk. Истовремено клиентот треба и телефонски да ги извести вработените во Банката за намерата за учество на аукцијата
• Аукцијата се одржува на одредени датуми во временски интервал од 11.00 до 12.00 часот
• По објавувањето на резултатите од одржаната аукција, Банката ги известува учесниците на аукцијата за постигнатите резултати.

• За учество на аукциите за купување на државни хартии од вредност, пред почетокот на аукцијата, заинтересираните треба да извршат уплата на:
     - дисконтиран износ на бараните државни записи и / или
     - номинален износ на државните обврзници 
• Уплатата се врши на сметката на НЛБ Банка 210046645310119, со повикување на број 10014900
• За посредување при купување државни хартии од вредност на примарен пазар Банката наплаќа надоместок согласно Тарифата за надоместоците на услугите.

На денот на доспевање на државните хартии од вредност, Министерството за финансии ги префрла средствата за доспеаните државни хартии од вредност на сметка на Банката. Истиот ден Банката, врз основа на Изводот за сопственоста на хартиите која се води во Централниот депозитар за хартии од вредност, ги пренесува средствата на трансакциските сметки на сопствениците.